| has gloss | lit: Truoba - žemaitiu gīvenams noms. Patės seniausės ė lėgė šiū dėinū īr ėšlėkosės tėpėškas žemaitiu truobas, katras labā dėdles, so šmuota kambariū ė stuogu ketoriū šlaitū. Tuokė truoba sudāra dvė atskėras dalīs. Terp anū par patė vėdori irėngts kamėns, katrame bova kepama douna, vėndziaja miesa. Vėins trobuos gals vadėnams prastuoje ė geruoje truoba so vėrtove, vo kėts bova paprastā eš keturiū nevėinuoda dėdoma patalpū: alkieriaus, longėnės, priešinės ė kamaras. Patės senuosės truobas bova apdengtas skėidruom, tėktās kuolūkiu metās anas uždėngė šiperė lapās. |
