| has gloss | bar: A Pòimbuschn, aa Pòimstock, Pòimstang, Pòimbesn is a Streissl aus Zweigaln, des am Pòimsunndòg in katholische Prozessiona mittròng und vum Pfarra feialich gweicht werd. Es werd dodamid aufn Eizuag vo Christus in Jerusalem oogspuit, wo na de Eiwohna mid Pòimwedl ois eanan neichn Kini griasst hom. Spaada, wanns gweicht san, wern de Pòimbuschn ois Seng fias Haus und zua Abwehr vo Uheil im Herrgottswinkl hintas Kreiz gsteckt. Bauan steckn de Pòimbuschn aa auf de Fejda, um a guade Erntn zum sichan. Da Pòimbuschn vom Vorjaar werd manchaorts im Osterfeia vabrennt. |
